BDU-nun IELTS-dən yüksək bal toplayan müəllim və tələbəsinin imtahan xərcləri qarşılanıb

Yazar: Röya İsrafil. Tarix: 30 Oktyabr 2026 13:52

BAYRAQDAR MEDİA – 2026-ci ilin doqquz ayı ərzində “Universitetlərin elmi-pedaqoji heyət üzvləri və təhsilalanlarının IELTS imtahanına təşviq edilməsi” layihəsi çərçivəsində Bakı Dövlət Universitetinin (BDU) imtahanda 7 və daha artıq bal toplamış 112 nəfər müəllim və tələbəsinin xərcləri Təhsilin İnkişafı Fondu (TİF) tərəfindən qarşılanıb.

Bu haqda xəbər BAYRAQDAR MEDİA-ya BDU-nun mətbuat xidmətindən daxil olub.

Xəbərdə bildirilir ki, “onlardan 58-i imtahanda 7.0, 36-sı 7.5, 15-i 8.0, 3 nəfəri isə 8.5 nəticə əldə edib. Qeyd edək ki, layihə 2022-ci ildən etibarənN TİF və Təhsildə Keyfiyyət Təminatı Agentliyinin birgə təşəbbüsü ilə həyata keçirilir”.

Bölmə: TƏHSİL

Röya İsrafil

Röya İsrafil 16 may 1991-ci ildə Saatlı rayonunda anadan olub. 2011-2015-ci illərdə Bakı Qızlar Universitetinin Jurnalistika fakültəsində təhsil alıb. Müxtəlif illərdə Dialoq TV, Yeni media, Agro TV, Qəbələ TV və s. internet kanallarında xəbərlər buraxılışının aparıcısı, MZ Production-ın layihəsi olan “Müasir Azərbaycan Gənci” (MAG) proqramında müxbir kimi işləyib. Eləcə də AMEA Mərkəzi Elmi Kitabxanasının İctimaiyyətlə əlaqələr və informasiya şöbəsində çalışıb. Həmçinin AzTV-nin nəzdində fəaliyyət göstərən Teleradio Akademiyasında təhsil alıb. Hazırda isə paralel şəkildə “Xalq Cəbhəsi” qəzetində və qəzetin eyniadlı saytında müxbir olaraq işləyir.

Yazarın başqa yazıları:

Bölmənin başqa yazıları: TƏHSİLTƏHSİL bölməsinin başqa yazıları »