KOBİA ilə İsrail-Azərbaycan Ticarət və Sənaye Palatası arasında əməkdaşlıq genişlənir

Yazar: Nadir Azəri - Əməkdar jurnalist. Tarix: 15 Fevral 2022 19:29

Son yeniləmə: 15 Fevral 2022 18:25

Bayraqdar.info – Kiçik və Orta Biznesin İnkişafı Agentliyi (KOBİA) ilə İsrail-Azərbaycan Ticarət və Sənaye Palatası arasında əməkdaşlıq genişlənir.

Bu barədə bayraqdar.info-ya fevralın 15-də KOBİA-dan məlumat verilib.

Bildirilib ki, KOBİA-nın İdarə Heyətinin sədri Orxan Məmmədov İsrail-Azərbaycan Ticarət və Sənaye Palatasının (IACCI) prezidenti Aleks Kaplun ilə görüşüb.

Görüşdə hər iki ölkənin KOB subyektləri arasında əməkdaşlıq istiqamətlərinə dair fikir mübadiləsi aparılıb, təkliflər diqqətə çatdırılıb. Tərəflər hər iki ölkənin KOB-ları arasında əlaqələrin inkişafında maraqlı olduqlarını, palata və KOBİA-nın birgə əməkdaşlığı çərçivəsində işgüzar dairələr arasında əlaqələrin genişləndirilməsinə dəstək göstəriləcəyini bildiriblər.

Əlaqəli

Bölmə: XƏBƏRLƏR

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: XƏBƏRLƏRXƏBƏRLƏR bölməsinin başqa yazıları »