Bayraqdar.info – Müdafiə Nazirliyinin tərkibində fəaliyyət göstərən komissiya tərəfindən 7 min nəfərdən artıq vətəndaşın da Vətən müharibəsində iştirakı ilə bağlı məlumatlarının araşdırılması yekunlaşdırılaraq sənədləri “Müharibə veteranı” adının verilməsi məqsədilə qərar qəbul edilməsi üçün müvafiq komissiyaya göndərilib.
Xəbəri iyunun 30-da MN özünün sosial media hesabında yayıb.
“Arayış-məlumatları göndərilən vətəndaşlar barədə qərar qəbul edildikdən sonra onların da adları “Müharibə veteranı” adının verilməsi üçün “Zəfər” altsisteminə daxil ediləcəkdir. Bundan sonra onlara da Azərbaycan Respublikası Prezidentinin aylıq təqaüdünün (80 man) təyin edilməsi və 2022-ci ilin yanvar ayının 1-dən hesablanaraq ödənilməsi təmin olunacaq. Qeyd edək ki, bu günədək Vətən müharibəsində iştirak etmiş 76 min nəfərə “Müharibə veteranı” adı verilib”, – deyə xəbərdə bildirilir
