Son yeniləmə: 21 Fevral 2024 08:42
Türklər Bakı, Səmərqənd və Daşkəndə üstünlük veriblər
BAYRAQDAR MEDİA – Bilet Dükkanı bu ilin ilk ayında ən çox ziyarət edilən yerlər arasında Bakı, Səmərqənd və Daşkəndin olduğunu bildirib.
Anadolu Ajansı xəbər verir ki, Bilet Dükkanı tərəfindən hazırlanan 2024-cü ilin Yanvar Səyahət Trendləri Hesabatına əsasən, viza rahatlığı təklif edən şəhər istiqamətləri və ölkələr səyahət həvəskarları arasında əhəmiyyətli dərəcədə populyarlıq qazanıb: “2022-ci ilə nisbətən keçən il şəhər səyahətlərində 52 faiz artımla turizm seçimlərində təəccüblü dəyişiklik baş verdi. Şirkət ən populyar və axtarılan istiqamətləri araşdıraraq səyahət etmək istəyənlərə marşrut təklifləri verməyə davam etdi. Azərbaycanın paytaxtı Bakı ötən ay ən çox seçilən istiqamətlərdən biri olub. Özbəkistanın paytaxtı Daşkənd Mərkəzi Asiyanın ən böyük və mühüm şəhərlərindən biri kimi seçilir. Səmərqənd də tarixi zənginliyi, mədəni irsi və təbiəti ilə seçilən istirahət məkanı kimi səyahətçiləri gözləyir”.
