Azərbaycan güləşçiləri Albaniyada Avropa çempionatında

Yazar: Röya İsrafil. Tarix: 22 Aprel 2026 19:58

BAYRAQDAR MEDİA – Albaniyanın paytaxtı Tiranada güləş üzrə Avropa çempionatı davam edir. Üçüncü yarış günündə qadın güləşi üzrə mübarizəyə başlanılıb və Azərbaycan millisinin 2 üzvü xalçaya çıxıb.

Bu haqda xəbər BAYRAQDAR MEDİA-ya Azərbaycan Güləş Federasiyasından (AGF) daxil olub.

Xəbərdə deyilir ki, “Elnurə Məmmədova (50 kq) ilk mərhələdə polşalı Aqata Qoluşovskaya “tuş”la məğlub olub. Günay Qurbanova (59 kq) debüt etdiyi qitə birinciliyinə 1/4 finaldan qoşulub və almaniyalı Elena Brügger üzərində inamlı qələbə qazanıb – 7:0. O, yarımfinalda ukraynalı dünya ikincisi Mariya Vinniklə qarşılaşıb”.

Görüşün sonuncu dəqiqəsinədək hesabda 2:0 öndə olan güləşçi son saniyələrdə rəqibin fəndlərinin qarşısını ala bilməyib – 2:6. G.Qurbanova aprelin 23-də bürünc medal uğrunda belaruslu Marta Hetmanava ilə güləşəcək.

Bölmə: İDMAN

Röya İsrafil

Röya İsrafil 16 may 1991-ci ildə Saatlı rayonunda anadan olub. 2011-2015-ci illərdə Bakı Qızlar Universitetinin Jurnalistika fakültəsində təhsil alıb. Müxtəlif illərdə Dialoq TV, Yeni media, Agro TV, Qəbələ TV və s. internet kanallarında xəbərlər buraxılışının aparıcısı, MZ Production-ın layihəsi olan “Müasir Azərbaycan Gənci” (MAG) proqramında müxbir kimi işləyib. Eləcə də AMEA Mərkəzi Elmi Kitabxanasının İctimaiyyətlə əlaqələr və informasiya şöbəsində çalışıb. Həmçinin AzTV-nin nəzdində fəaliyyət göstərən Teleradio Akademiyasında təhsil alıb. Hazırda isə paralel şəkildə “Xalq Cəbhəsi” qəzetində və qəzetin eyniadlı saytında müxbir olaraq işləyir.

Yazarın başqa yazıları:

Bölmənin başqa yazıları: İDMANİDMAN bölməsinin başqa yazıları »