BAYRAQDAR MEDİA – Xeyriyyəçilərin dəstəyi ilə gücləndirilən Pamukkale Universitetinin (PAÜ) xəstəxanalarında insultun müalicəsi sahəsində mühüm addım atılıb.
Bu barədə univeristetin məlumatında qeyd edilib.
Məlumata görə, PAÜ xəstəxanasında xeyriyyəçi iş adamlarının dəstəyi ilə alınan yeni kompüter tomoqrafiyası (KT) cihazından ilk dəfə kəskin insult keçirən xəstənin diaqnostikası və müayinəsi zamanı istifadə olunub. KT və KT-angioqrafiya müayinələri nəticəsində beyin damarında tıxanma aşkarlanıb və xəstə vaxt itirilmədən müdaxiləli müalicəyə cəlb edilib.
Pamukkale Universitetinin İnsult Mərkəzində əvvəllər də uğurla tətbiq edilən mexaniki trombektomiya proseduru bu dəfə mərkəzə yeni gətirilmiş angioqrafiya cihazı ilə ilk dəfə həyata keçirilib. Beləliklə, yeni KT və angioqrafiya cihazlarından kəskin insult keçirən xəstənin diaqnostika və müalicə prosesində ilk dəfə birlikdə istifadə olunub.
Xüsusi kateterlər vasitəsilə beyindəki damarı tıxayan laxtanın çıxarılmasını təmin edən mexaniki trombektomiya üsulu uyğun xəstələrdə qalıcı əlillik riskinin azaldılması baxımından böyük əhəmiyyət daşıyır. Müasir görüntüləmə sistemləri damar tıxanmasının sürətlə müəyyənləşdirilməsinə və xəstənin vaxtında müvafiq müalicəyə yönləndirilməsinə imkan verir.
İlk şərhi yaza bilərsiniz