Press "Enter" to skip to content

Mehteran Birliyi Bosniya və Herseqovinada

Yazar: Nadir Azəri - Əməkdar jurnalist. Tarix: 24 İyun 2022 17:58

Son yeniləmə: 24 İyun 2022 15:06

Bayraqdar.info – Türkiyənin Milli Müdafiə Nazirliyinin Mehteran Birliyi Bosniya və Herseqovinaya səfər edib. Səfər zamanı paytaxt Sarayevoda konsert verilib.

Balkan News xəbər verir ki, paytaxtdakı tarixi Başçarşı Meydanında təşkil edilən konsertdə yerli əhali ilə yanaşı xarici turistlər tərəfindən də maraqla qarşılanıb. Konsertə tamaşa edənlər arasında Türkiyənin Sarayevodakı səfiri Sadık Babür Girgin də olub.

O da qeyd edilib ki, Mehteran Birliyi bosniyalıların İslam dinini qəbul etməsinin ən mühüm simvollarından olan Akhisarlı Ayvaz Dedenin xatirəsinə həsr edilən və bu il 512-cisi keçiriləcək Ayvaz Dede şənliklərində iştirak üçün Sarayevoya gəlib. Birlik Mostar və Zenicada da konsert verəcək.

Bölmə: DÜNYA

Nadir Azəri - Əməkdar jurnalist
Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: DÜNYADÜNYA bölməsinin başqa yazıları »
BAYRAQDAR MEDİA

HƏR ZAMAN ÖNDƏ!

Mission News Theme by Compete Themes.