BAYRAQDAR MEDİA – Iğdır İl Kənd Təsərrüfatı və Meşə İdarəsi ərik və digər meyvə bağlarında kənd təsərrüfatı şaxtası riskinə qarşı tədbirlər görməyə başlayıb. Qurumun əməkdaşları kritik dövrdə olan ağaclarla bağlı istehsalçılara xəbərdarlıq edib.
Bu barədə igdirhaber.net saytı məlumat yayıb.
Məlumata görə, Iğdırın strateji məhsulu olan məşhur Iğdır əriyi və bölgədəki digər kənd təsərrüfatı məhsulları son günlərdə müşahidə olunan temperatur dəyişiklikləri səbəbilə şaxta təhlükəsi ilə üz-üzə qalıb: “İl idarəsinin koordinasiyası ilə fəaliyyət göstərən texniki heyət meteoroloji məlumatlar və sahə müşahidələri əsasında gündəlik monitorinq aparır”.
İlk şərhi yaza bilərsiniz