BAYRAQDAR MEDİA – Rəqəmsal İnkişaf və Nəqliyyat Nazirliyinin (RİNN) təşəbbüsü, Mərkəzi Qan Bankının təşkilati dəstəyi ilə qanvermə aksiyası keçirilib.
Bu haqda xəbər BAYRAQDAR MEDİA-ya RİNN-in mətbuat xidmətindən daxil olub.
Xəbərdə qeyd edilir ki, “aksiyada Nazirliyin, habelə tabeli qurumların əməkdaşları fəal iştirak ediblər. Əvvəlcə donor olmaq istəyən şəxslərin sağlamlığı yoxlanılıb, sonra uyğun olanlardan qan götürülüb. Toplanan qan ehtiyatı talassemiya və digər irsi qan xəstəliklərindən əziyyət çəkənlərin müalicəsində istifadə ediləcək”.
Bildirək ki, sözügedən Nazirlikdə könüllü qanvermə aksiyaları mütəmadi olaraq təşkil edilir.
İlk şərhi yaza bilərsiniz