BAYRAQDAR MEDİA – Kıbrıs Barış Hərəkatının 52-ci ildönümü münasibətilə Talas Bələdiyyəsinin hazırladığı “Kayseri–Girnə Xətti” albomunun ikinci cildinin təqdimatında iştirak etmək üçün Kayseriyə gələn KKTC-nin ağsaqqalı Oktay Öksüzoğlu İl Mədəniyyət və Turizm Müdirliyinin Konfrans Salonunda gənclərlə görüşüb. Tədbirdə Talas Bələdiyyəsinin sədri Mustafa Yalçın, tələbələr və çoxsaylı qonaqlar iştirak ediblər.
Bu barədə erciyeshaber.com saytı məlumat yayıb.
Məlumata görə, Öksüzoğlu çıxışında bildirib ki, 20 iyul 1974-cü il Kıbrıs Barış Hərəkatı təkcə hərbi uğur deyil, həm də bir xalqın yenidən doğuluşunun simvoludur. O qeyd edib ki, hərəkatla Kıbrıs türkləri azadlıq, müstəqillik və dövlət sahibi olma dövrünə qədəm qoyublar.
Mustafa Yalçın isə çıxışında gənclərin tarixin canlı şahidlərini dinləməsinin böyük əhəmiyyət daşıdığını vurğulayıb. O, “Kayseri–Girnə Xətti” albomunun ikinci cildinin hərəkatın 52-ci ildönümü münasibətilə qazilərə hədiyyə edildiyini bildirib.
Tədbirin sonunda Oktay Öksüzoğluna xatirə hədiyyəsi təqdim olunub və iştirakçılarla xatirə şəkli çəkdirilib.
İlk şərhi yaza bilərsiniz