Güney Azərbaycanlı fəallara Təbriz zindanında artan basqılar

Yazar: Aysel Həsrət. Tarix: 10 Avqust 2026 16:37

BAYRAQDAR MEDİA – Təbrizin mərkəzi zindanında saxlanılan milli fəallar Rza Səlimi, Əmin Tağızadə və Səməd Heydəri həbsxananın 15-ci bölməsinə salınıblar. Məlumata görə, bu addım fəallara qarşı təzyiq vasitəsi kimi dəyərləndirilir.

Xəbəri “Azad İran” Telegram kanalı Güney Azərbaycan Demokratik Türk Birliyinə istinadla yayıb.

Xəbərdə deyilir ki, “zindanın 15-ci bölməsində əsasən narkotik istifadəçiləri və narkotik qaçaqmalçılığında ittiham olunan şəxslər saxlanılır”.

Bildirilib ki, “Səməd Heydəri, Əmin Tağızadə və Rza Səlimi “ölkənin milli təhlükəsizliyinə qarşı əlbir olmaq” və “dövlət quruluşuna qarşı təbliğat aparmaq” ittihamları ilə ümumilikdə 12 il 9 ay müddətinə azadlıqdan məhrum ediliblər”.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları:

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »