BAYRAQDAR MEDİA – Türkiyənin Naxçıvandakı baş konsulu Asip Kaya vəzifə müddətinin başa çatması ilə əlaqədar Iğdır Ticarət və Sənaye Palatasına vida səfəri edib.
Bu barədə yesiligdir.com saytı məlumat verib.
Bildirilib ki, görüşdə Palatanın İdarə Heyətinin sədri Kamil Arslan və digər üzvlər iştirak ediblər. Dörd il Naxçıvan baş konsulu vəzifəsində çalışan Asip Kayanın Iğdır ilə Naxçıvan arasındakı əlaqələrin inkişafına verdiyi töhfələr müzakirə olunub. Kamil Arslan Kaya ilə bağlı Iğdırlı vətəndaşlar üçün mühüm rahatlıq və etimad amili yaratdığını bildirib. O, baş konsulun bölgəyə və Iğdırlı həmvətənlərinə göstərdiyi səmimi və yardımsevər münasibətə görə təşəkkür edib.
Arslan Türkiyə ilə Azərbaycan arasındakı qardaşlıq münasibətləri ilə yanaşı, Iğdır-Naxçıvan iqtisadi, ticari və sosial əlaqələrinin inkişafına verdiyi töhfələrə görə Kaya haqqında xoş sözlər söyləyib. Görüşün sonunda Asip Kayaya Qarabağ kilimi və Iğdırın mədəni motivlərini əks etdirən xüsusi boşqab hədiyyə olunub. Iğdır Ticarət və Sənaye Palatası Kaya’ya yeni vəzifəsində uğurlar arzulayıb.
İlk şərhi yaza bilərsiniz