BAYRAQDAR MEDİA – Erciyes Universiteti TURKOVAC çərçivəsində əldə etdiyi elmi təcrübəni yeni mərhələyə daşımaq üçün təxminən 750 milyon lirəlik investisiya ilə vaksin və bioloji məhsullar üzrə tədqiqat-istehsal mərkəzi yaradır. Mərkəzin ilin sonuna qədər tamamlanması planlaşdırılır.
BSL-3 və GMP infrastrukturu ilə təchiz ediləcək obyekt Türkiyə universitetləri arasında ilk belə mərkəz olacaq. Burada vaksinlərlə yanaşı monoklonal anticisimlər və qabaqcıl biotexnoloji məhsulların tədqiqi, hazırlanması və pilot miqyasda istehsalı mümkün olacaq.
Rektor Prof. Dr. Fatih Altun mərkəzin tamamlandıqdan sonra Kayseriyə, Türkiyəyə və bütün dünyaya mühüm töhfələr verəcəyini bildirib.
Vaksin İnstitutu rəhbəri Prof. Dr. Aykut Özdarendeli isə mərkəzin beynəlxalq tədqiqatlara da xidmət göstərə biləcək mükəmməllik mərkəzinə çevriləcəyini deyib. Erciyes Universiteti bununla vaksin və biotexnologiyada tədqiqatdan istehsala, elmi fəaliyyətdən ixtisaslı kadr hazırlığına qədər geniş ekosistem yaratmağı hədəfləyir.
İlk şərhi yaza bilərsiniz