BAYRAQDAR MEDİA – Akdeniz Universiteti Ali Təhsil Keyfiyyət Şurasının (YÖKAK) 2026-cı il üzrə İnstitusional Akkreditasiya Proqramı çərçivəsində ikinci dəfə beşillik tam akkreditasiyaya layiq görülüb. Qiymətləndirmə toplantısında qəbul edilən qərarla universitetin keyfiyyət göstəriciləri bir daha təsdiqlənib.
Hesabatda universitetin güclü idarəçilik sistemi, tələbəyönümlü təhsil modeli, elmi tədqiqat fəaliyyəti, rəqəmsal transformasiya və davamlı inkişaf istiqamətindəki təşəbbüsləri müsbət qiymətləndirilib. 2026-cı ilədək universitetdə 18 akkreditə olunmuş proqram fəaliyyət göstərib, 34 proqram üzrə yeni akkreditasiya prosesinə başlanılıb, 14 proqram isə Türkiyə Kvalifikasiyalar Çərçivəsinin (TYÇ) loqosundan istifadə hüququ qazanıb.
Hesabatda CAR-T hüceyrə müalicəsi və istehsalı mərkəzinin yaradılması, eləcə də uşaq universiteti, yaşlılar üçün Təzələnmə Universiteti və könüllülük layihələri də diqqətə çatdırılıb. Rektor professor Özlenen Özkan əldə olunan uğurun universitet kollektivinin birgə əməyinin nəticəsi olduğunu bildirib. O, təhsil, tədqiqat və ictimai fəaliyyət sahələrində keyfiyyətin yüksəldilməsi istiqamətində işlərin davam etdiriləcəyini vurğulayıb.






İlk şərhi yaza bilərsiniz