BAYRAQDAR MEDİA – Ondokuz May Universitetinin (OMÜ) Avropa və dünya universitet çempionatlarında qazandığı qızıl medallara görə layiq görüldüyü iki beynəlxalq uğur plaketi rektor professor Fatma Aydına təqdim olunub.
Mükafatlar Türkiyə Universitet İdmanları Federasiyasının (TÜSF) 30 illik yubileyi münasibətilə Ankarada təşkil edilən mərasimdə təqdim edilib. Universiteti təmsil edən idmançılar Yasin Muhittin Can və Kardelen Demirin beynəlxalq yarışlarda qazandıqları qələbələr bu uğurda mühüm rol oynayıb. Yasin Muhittin Can Dünya Muay Thai Çempionatında, Kardelen Demir isə Avropa Taekvondo Çempionatında birinci yeri tutub. Rektor Fatma Aydın idmançıları təbrik edərək uğurda əməyi olan akademik və inzibati heyətə təşəkkür edib. Tədbirdə universitet idmanının inkişafında idmançıların, məşqçilərin və ali təhsil müəssisələrinin birgə fəaliyyətinin əhəmiyyəti vurğulanıb. Mərasim Qazi Universitetinin Xalq Rəqsləri Kollektivinin çıxışı ilə başa çatıb.






İlk şərhi yaza bilərsiniz