Son yeniləmə: 5 May 2026
BAYRAQDAR MEDİA – Eskişehir Böyükşəhər Bələdiyyəsinin Şəhər Teatrları tərəfindən təşkil olunan 17-ci Beynəlxalq Eskişehir Uşaq, Gənclik və Kukla Teatrları Festivalının proqramı açıqlanıb.
Bu barədə eskisehir.net saytı məlumat yayıb.
Məlumatda deyilir ki, 16–20 may 2026-cı il tarixləri arasında keçiriləcək festival çərçivəsində yerli və xarici çoxsaylı teatr kollektivləri Eskişehir sakinləri ilə görüşəcək: “Festival proqramına daxil olan bütün tədbir və tamaşaların pulsuz olacağı bildirilib. Eyni zamanda qeyd olunub ki, qapalı məkanlarda keçiriləcək nümayişlər üçün dəvətnamə sistemi tətbiq ediləcək və dəvətnamələr 4 may 2026-cı il saat 15:00-dan etibarən əlçatan olub. Vətəndaşlar dəvətnamələri Turgut Özakman Səhnəsi və Haller Gənclik Mərkəzinin Haldun Dormen Səhnəsinin kassalarından əldə edə bilərlər. Bundan əlavə, dəvətnamələri “biletinial.com” internet saytı üzərindən də almaq mümkündür”.
Məlumata əsasən, açıq hava tədbirləri üçün isə hər hansı dəvətnamə tətbiqinin olmadığı və bu tədbirlərin bütün ictimaiyyət üçün açıq keçiriləcəyi bildirilib: “Festival müddətində Bolqarıstan, Fransa, Hollandiya, İsveç, İtaliya, Rumıniya, Sloveniya və Türkiyədən teatr kollektivləri səhnə alacaq”.
İlk şərhi yaza bilərsiniz