Son yeniləmə: 11 May 2026
BAYRAQDAR MEDİA – Bileçik Şeyx Edebali Universiteti tələbələri Məhəmməd Aslantaş və Salih Can Perver tərəfindən hazırlanan “Torpidoda Yazılımı” adlı rəqəmsal layihə OSTİMTech Ar-Ge və İnnovasiya Layihə Bazarı çərçivəsində final mərhələsinə yüksəlib.
Bu barədə universitetin məlumatında deyilir.
Bildirilir ki, layihə avtomobil satış sonrası xidmət sahəsində məlumat itkisi, pərakəndə idarəetmə və manual qeydiyyat problemlərinin aradan qaldırılması məqsədilə hazırlanıb: “Sistem servis mərkəzlərini, dilerləri, avtomobil parkı şirkətlərini və istifadəçiləri vahid rəqəmsal platformada birləşdirir. SaaS əsaslı platforma sənəd idarəetməsi, texniki baxış tarixçəsi və ehtiyat hissələrinin izlənməsini rəqəmsallaşdıraraq əməliyyat səmərəliliyini artırmağı hədəfləyir”.
Məlumata görə, layihənin diqqət çəkən xüsusiyyətlərindən biri də süni intellekt dəstəkli nasazlıq köməkçisidir. İstifadəçilər avtomobildə yaranan problemi yazılı, səsli və ya fotoşəkil vasitəsilə sistemə göndərə bilir: “Platforma həmçinin avtomobil sahibləri üçün xüsusi rəqəmsal kimlik sistemi yaradaraq texniki xidmət tarixçəsinin təhlükəsiz saxlanmasına imkan verir. Layihə beynəlxalq səviyyədə də maraq görərək Qətərdə keçirilən Continuum Spark Awards proqramına xüsusi dəvət alıb”.
İlk şərhi yaza bilərsiniz