Son yeniləmə: 11 May 2026
BAYRAQDAR MEDİA – Malatya Turgut Özal Universiteti ilə ASELSAN arasında universitet-sənaye əməkdaşlığının inkişafına dair qiymətləndirmə toplantısı keçirilib. Görüşdə universitetin həyata keçirdiyi elmi-tədqiqat layihələri, mühəndislik sahəsində akademik fəaliyyət və tətbiqi təhsil imkanları müzakirə olunub.
Universitetin məlumatında deyilir ki, görüşdə müdafiə sənayesi, elektron sistemlər, avtomatlaşdırma, süni intellekt və sensor texnologiyaları üzrə mümkün əməkdaşlıq istiqamətləri dəyərləndirilib: “Tərəflər universitetin akademik potensialı ilə ASELSAN-ın texnologiya və Ar-Ge təcrübəsinin birgə layihələr üçün mühüm zəmin yaratdığını qeyd ediblər”.
Görüşdə həmçinin ixtisaslı insan resurslarının hazırlanması məsələsi də diqqət mərkəzində olub. Universitet rəhbərliyi bu əməkdaşlığın tələbələrin praktiki biliklərinin artırılması baxımından əhəmiyyət daşıdığını bildirib. Tədbirin universitet-sənaye əlaqələrinin gücləndirilməsi istiqamətində mühüm addım olduğu vurğulanıb.
İlk şərhi yaza bilərsiniz