Son yeniləmə: 21 İyun 2026
BAYRAQDAR MEDİA – Anadolu Universitetinin Xalq Elmi Tətbiq və Araşdırma Mərkəzi mövsümü “Anadolu: bir yol hekayəsi” adlı xüsusi səhnə proqramı ilə yekunlaşdırmağa hazırlaşır.
Bu barədə universitetdən məlumat verilib.
Məlumata görə, “Anadolunun rəngləri və addımları” mövzusunda hazırlanan tədbirin baş rejissorluğunu Ahmet Şamil Erkoçak həyata keçirir. Proqramda müxtəlif peşə sahələrindən – professorlardan mühəndislərə, tələbələrdən digər iştirakçılara qədər 98 rəqqas yer alır.
Tədbirdə Anadolu mədəniyyətinin zənginliyini əks etdirən rəqs və səhnə performansları nümayiş olunacaq. Eyni zamanda layihəyə dəstək verən şəxslər plaketlə təltif ediləcək.
Tədbir 22 iyun saat 20:00-da Eskişehir Atatürk Mədəniyyət və Kongres Mərkəzində keçiriləcək.
İlk şərhi yaza bilərsiniz