BAYRAQDAR MEDİA – Doğu Akdeniz Universiteti (DAÜ) KKTC-dəki beş universitetin tədqiqat mərkəzlərini bir araya gətirən “KKTC Ali Təhsilində Araşdırma Mərkəzləri Ekosistemi: Təcrübə Mübadiləsi, Əməkdaşlıq Sahələri və Gələcək Perspektiv” adlı toplantıda geniş heyətlə iştirak edib. DAÜ-nin Mükəmməllik Mərkəzinin ev sahibliyi ilə keçirilən tədbirdə tədqiqat imkanlarının inkişafı, universitetlərarası əməkdaşlığın artırılması və milli və beynəlxalq maliyyə mənbələrindən daha səmərəli istifadə məsələləri müzakirə olunub.
DAÜ-nü toplantıda müxtəlif tədqiqat mərkəzlərinin rəhbərləri və universitetin müvafiq qurumlarının nümayəndələri təmsil ediblər. Tədbir beş universitetin tədqiqat mərkəzləri, institutları və mükəmməllik mərkəzlərindən 50-dən çox nümayəndəni bir araya gətirib. İlk sessiyada universitetlər öz tədqiqat imkanlarını, prioritet istiqamətlərini və mövcud problemlərini təqdim ediblər. Daha sonra beş dəyirmi masada ortaq tədqiqat istiqamətləri, laboratoriya və infrastrukturdan birgə istifadə, beynəlxalq layihələr və maliyyə proqramlarına birgə müraciət imkanları müzakirə edilib.
Toplantının sonunda universitetlərin infrastruktur və ekspertiza imkanlarının görünən hala gətirilməsi, ortaq tədqiqat çağırışlarının yaradılması və tədqiqatçı mübadiləsinin artırılması ilə bağlı təkliflər irəli sürülüb. Növbəti çalıştaya ev sahibliyi etmək DAÜ-yə həvalə olunub.
İlk şərhi yaza bilərsiniz