BAYRAQDAR MEDİA – Adana Alparslan Türkeş Elm və Texnologiya Universitetinin (ATÜ) tələbələrinin kampusa gediş-gəlişini asanlaşdırmaq məqsədilə ictimai nəqliyyat marşrutlarında dəyişiklik edilib. Məlumata görə, noyabrın 16-dan etibarən 116, 121, 144, 155 və 160 nömrəli avtobusların hərəkət sxemi yenilənəcək.
Bu barədə universitetdən məlumat verilib.
Bildirilib ki, həmin avtobuslar yalnız universitetə gediş istiqamətində “Yataqxanalar” marşrutundan istifadə edəcəklər. Yeni sxemə əsasən, Balcalı istiqamətindən gələn avtobuslar əvvəlcə yataqxanalar ərazisinə daxil olaraq tələbələri götürəcək, daha sonra Çarkıpare üzərindən universitetin giriş qapısına çatacaqlar. Tələbələrdən noyabrın 16-dan etibarən yeni dayanacaqları və hərəkət saatlarını nəzərə almaları xahiş olunub.






İlk şərhi yaza bilərsiniz