Son yeniləmə: 5 May 2026
BAYRAQDAR MEDİA – Ardahan Universitetinin İdman Elmləri fakültəsinin təşkilatçılığı ilə “I İdman Şənlikləri”nin final yarışları və mükafatlandırma mərasimi keçirilib. Universitetin Ömər Halisdemir İdman Kompleksində təşkil olunan tədbirdə rektor Prof. Dr. Öztürk Emiroğlu, akademik və inzibati heyət, eləcə də tələbələr iştirak ediblər.
Universitetin məlumatında qeyd olunub ki, tələbə kollektivləri arasında sosial inteqrasiyanı gücləndirmək məqsədilə keçirilən tədbir müxtəlif idman növlərini əhatə edib: “Bilək güləşi ilə başlayan yarışlar stolüstü tennis, dart, basketbol və voleybol turnirləri ilə davam edib. Yarışların sonunda qaliblərə mükafatlar rektor tərəfindən təqdim olunub. Müxtəlif kateqoriyalar üzrə fərqlənən tələbələr kubok və medallarla təltif ediliblər. Basketbol və voleybol komandaları da birincilik və ikincilik mükafatlarını qazanıblar”.
İlk şərhi yaza bilərsiniz