BAYRAQDAR MEDİA – 14–16 may tarixlərində Milli Gimnastika Arenası idman gimnastlarının maraqlı mübarizəsinə ev sahibliyi edir.
Bu haqda xəbər BAYRAQDAR MEDİA-ya Azərbaycan Gimnastika Federasiyasından (AGF) daxil olub.
Xəbərdə qeyd olunur ki, “5 ölkədən 50-yə yaxın gimnastın iştirak etdiyi turnirdə həm qadınlar, həm də kişilər birincilik uğrunda yarışırlar. Gimnastlar gənclər və böyüklər yaş kateqoriyalarında çıxış edirlər. Azərbaycanı bu turnirdə qadınlar arasında böyük gimnastlar – Nazənin Teymurova, Dəniz Əliyeva, Aytən Məmmədova, Xədicə Abbaszadə, gənc gimnastlar – Albina Əliyeva, Leyla Məmmədzadə, Aynaz Məcidzadə və Lalə Zamanlı, kişilər arasında isə böyük gimnastlar – Rəsul Əhmədzadə, Aydın Əlizadə, Nikita Simonov, gənc gimnastlar – Miryusif Əhmədzadə, İlham Salayev, Mahir Səlimov, İsgəndər Cavadzadə və Məhəmməd Rüstəmzadə təmsil edirlər”.
Ardınca xəbərdə, “turnirin ilk günündə gənclər yaş kateqoriyası üzrə gimnastlar komanda hesabında və çoxnövçülük proqramında mükafatlandırılıblar. Həm qadın, həm də kişi gimnastlar komanda hesabında bürünc medal qazanıblar. Fərdi çoxnövçülük proqramında isə qadınlar arasında L.Məmmədzadə bürünc medalın sahibi olub” deyə bildirilir.
İlk şərhi yaza bilərsiniz