BAYRAQDAR MEDİA – Qarsda yağan güclü yağış yüksəkliklərdə dolu ilə müşayiət olunub. Şəhər mərkəzinə bağlı Bulanık kəndi ətrafında təxminən 10 dəqiqə davam edən dolu yağışı ərazini qısa müddətdə ağ örpəyə bürüyüb.
Bu barədə karsmanset.com saytı məlumat verib.
Bildirilib ki, son günlər Qarsda təsirli olan güclü yağış bəzi ərazilərdə intensivləşib, yüksək dağlıq ərazilərdə isə dolu yağıb: “Bulanık kəndi ətrafında qəfil başlayan dolu qısa müddətdə güclənib. Təxminən 10 dəqiqə fasiləsiz yağan dolu nəticəsində kənd ətrafındakı yollar, əkin sahələri və açıq ərazilər ağ örtüklə örtülüb. Avqust ayında yağan dolu maraqlı görüntülərin yaranmasına səbəb olub. Bulanık kəndi ətrafında qısa müddət davam edən dolu yağışı səngidikdən sonra ərazidə həyat normallaşıb. Yağıntı kənd sakinlərinin mobil telefon kameralarına da əks olunub”.
Məlumatda deyilir ki, çəkilən görüntülərdə ağ örpəyə bürünmüş ərazilər, yollar, oyun oynayan uşaqlar və evinin həyətini kürəklə təmizləyən sakin diqqət çəkib.
İlk şərhi yaza bilərsiniz