BAYRAQDAR MEDİA – Doğu Akdeniz Universitetinin Səhiyyə Elmləri Fakültəsinin Fizioterapiya və Reabilitasiya Bölümünün məzunu Uzm. Fzt. Nurcihan Altun yeni uğura imza atıb.
2017-ci ildə universitetin Fizioterapiya və Reabilitasiya Bölümünü birinciliklə başa vuran, 2019-cu ildə isə həmin bölmənin magistr proqramından məzun olan Altun Şimali Kipr Türk Cümhuriyyəti Dövlət Qulluğu Komissiyası tərəfindən Sosial Xidmətlər İdarəsi üçün keçirilən işə qəbul imtahanında birinci olub. O, əldə etdiyi nəticə əsasında 2026-cı ilin sentyabrından Əlillər üçün Yaşam Evi və Reabilitasiya Mərkəzində fizioterapevt kimi fəaliyyətə başlayıb.
DAÜ Fizioterapiya və Reabilitasiya Bölümünün sədr müavini dosent Dr. Ünal Değer bildirib ki, tələbələrin akademik uğurlarını peşə həyatına daşıması universitet üçün qürurvericidir. O, Altunun həm bakalavr, həm də magistratura təhsilində göstərdiyi yüksək nəticələri dövlət qulluğunda qazandığı birinciliklə daha da möhkəmləndirdiyini vurğulayıb.
DAÜ Səhiyyə Elmləri Fakültəsinin dekanı Prof. Dr. Mehtap Malkoç da məzunların yalnız akademik uğurları ilə deyil, peşə həyatında yaratdıqları fərqlə də universiteti qürurlandırdığını bildirib. O, Nurcihan Altunun uğurunun fakültədə verilən keyfiyyətli təhsilin və güclü akademik heyətin göstəricilərindən biri olduğunu qeyd edərək, məzuna gələcək fəaliyyətində uğurlar arzulayıb.
İlk şərhi yaza bilərsiniz