BAYRAQDAR MEDİA – Türkiyə Bələdiyyələr Birliyinin (TBB) sədri Vahap Seçərin həbsindən sonra boşalan vəzifə üçün Eskişehir Böyükşəhər Bələdiyyəsinin sədri Ayşe Ünlüceyə təklif göndərildiyi bildirilir. Ünlücənin TBB sədrliyi üçün yenidən gündəmə gəldiyi və qərarını yaxın günlərdə açıqlayacağı qeyd olunur.
Bu barədə eskisehir.net saytı məlumat yayıb.
Bildirilib ki, TBB rəhbərliyində son bir il yarım ərzində ardıcıl dəyişikliklər baş verib. Ekrem İmamoğlunun 2025-ci ilin martında həbsindən sonra sədr müavini vəzifəsinə Adana Böyükşəhər Bələdiyyəsinin sədri Zeydan Karalar seçilib. Karaların da həbsindən sonra 2025-ci ilin iyulunda bu vəzifəni Vahap Seçer tutub. Seçer 2 may 2026-cı ildə keçirilən seçkidə 446 səslə TBB sədri seçilib, lakin oktyabrın 1-də korrupsiya istintaqı çərçivəsində saxlanılaraq həbs olunub. Bundan sonra TBB-də sədr müavininin seçilməsi oktyabrın 15-də Ankarada keçirilməli olan iclasa salınıb. Ünlücənin daha əvvəl də TBB sədri olması üçün iki dəfə təklif aldığı, lakin Eskişehirdəki sıx iş qrafikinə görə bunu qəbul etmədiyi bildirilir.
Ayşe Ünlüce hazırda TBB İdarə Heyətinin üzvüdür və Avropa Şurasının Yerli və Regional Hakimiyyətlər Konqresində Türkiyə Milli Delegasiyasının rəhbəri kimi fəaliyyət göstərir.
İlk şərhi yaza bilərsiniz