Son yeniləmə: 2 İyun 2026
BAYRAQDAR MEDİA – Türk Dövlətləri Təşkilatına üzv ölkələrin QHT-lərinin II Əməkdaşlıq Forumunda iştirak üçün Bakıda olan KKTC-nin Mavi Vətən Dərnəyinin sədr müavini Metin Yılğın, TDT-yə üzv ölkələrin QHT Platformasının Baş katibi Azər Allahverənova yeni “Mavi Vətən” xəritəsini təqdim edib.
Bu barədə BAYRAQDAR MEDİA-ya Metin Yılğın özü məlumat verib.
O, bildirib ki, xəritədə Qara dəniz, Mərmərə, Egey və Aralıq dənizi ilə yanaşı, Xəzər dənizi də konsepsiyaya daxil edilib: “Bu yeni vizyonun gələcəkdə bütün türk dövlətləri tərəfindən dəstəklənməsi arzu olunur”.
Azər Allahverənov isə belə təşəbbüslərin türk dünyasının birliyinə mühüm töhfə verdiyini vurğulayıb.
