BAYRAQDAR MEDIA – İki dövlətin tarixi qardaşlığı müasir elmin mərkəzində birləşdi.
2024-cü ilin fevralın 19-unda Ankarada Türkiyə Cwmhurbaşqanı cənab Recep Tayyip Erdoğan və Azərbaycan Prezidenti cənab İlham Əliyevin iştirakı ilə imzalanan Anlaşma Memorandumu ilə regionun yeni akademik cazibə mərkəzi – Türkiyə-Azərbaycan Universiteti yarandı.
Türkiyənin nüfuzlu ali təhsil müəssisələri – Orta Doğu Texniki Universiteti, İstanbul Texniki Universiteti və Hacettepe Universitetinin güclü təhsili Azərbaycan Texniki Universitetinin dəstəyi ilə eyni çətir altında, burada birləşir.
Hazırda 174 tələbənin təhsil aldığı universitetdə 3 ixtisas üzrə tədris aparılır:
– Kompüter mühəndisliyi
– Sənaye mühəndisliyi
– Qida mühəndisliyi
Sizə qlobal rəqabət meydanında önə keçmək üçün hər şey təklif olunur:
– Dövlət sifarişi əsasında qəbul
– Tam ingilis dilində təhsil
– Müasir laboratoriyalar və real sənaye əməkdaşlığı ilə eyni anda nəzəriyyə və praktika
– Və sərhədləri aşan, beynəlxalq səviyyədə tanınan iki diplom!
Türkiyə-Azərbaycan Universiteti yeni tədris ilində Azərbaycanın istedadlı gənclərini beynəlxalq təhsil mühitinə dəvət edir. Qlobal rəqabət meydanına hazırsınız? Gələcəyinizi lider universitetlərin akademik gücü ilə qurun!
Türkiyə-Azərbaycan Universiteti – Güc birlikdədir!
İlk şərhi yaza bilərsiniz