Gülpınar təbiətsevərlərin diqqət mərkəzindədir

Yazar: Nihat Göytürk. Tarix: 6 İyul 2026 17:20

Yürüş

BAYRAQDAR MEDİA – Iğdır şəhərindən 15 kilometr məsafədə yerləşən Gülpınar kəndi öz təbii gözəllikləri ilə təbiətsevərlərin marağını cəlb etməyə davam edir. Bu dəfə kənddə Iğdır Dağ Safarisi Təbiət İdmanları Klubunun təşkil etdiyi yürüş keçirilib.

Bu barədə igdirhaber.net saytı məlumat yayıb.

Məlumata görə, iştirakçılar şəlaləni, zəngin bitki örtüyünü və dağ mənzərələrini yaxından seyr etmək imkanı əldə ediblər.

Klubun sədri Yunus Gündoğdu bildirib ki, məqsədləri Iğdırın az tanınan təbiət guşələrini tanıtmaq və yeni yürüş marşrutları yaratmaqdır. O, bölgənin dağları, yaylaları və vadilərinin təbiət həvəskarları üçün böyük potensiala malik olduğunu vurğulayıb.

Gülpınar kəndi trekking və təbiət fotoqrafiyası ilə məşğul olmaq istəyənlər üçün əlverişli məkanlardan biri hesab edilir.

Bölmə: MƏDƏNİYYƏT

Nihat Göytürk

1991-ci ildən jurnalistika ilə məşğul olur. Bir sıra qeyri-hökumət təşkilatlarının fəaliyyətində yaxından iştirak edib. 1993-cü ildən etibarən beynəlxalq təşkilatların ölkəmizdə keçirdiyi siyasi partiyalar, QHT sektoru, insan hüquqları, həmçinin jurnalistika ilə bağlı seminar, dəyirmi masa və treninqlərin iştirakçısı olub. Azərbaycanın daxili və xarici siyasəti, beynəlxalq münasibətlər, o cümlədən Türkiyə və Kuzey Kıbrıs Türk Cümhuriyyəti ilə bağlı çoxsaylı yazıların müəllifidir. Azərbaycan və türk dilində yazır və danışır. nihat@bayraqdar.info

Yazarın başqa yazıları:

Bölmənin başqa yazıları: MƏDƏNİYYƏTMƏDƏNİYYƏT bölməsinin başqa yazıları »