BAYRAQDAR MEDİA – Doğu Akdeniz Universiteti (DAÜ), Qazimağusa Bələdiyyəsi və Yaşlı Hüquqları və Ruh Sağlamlığı Dərnəyinin əməkdaşlığı çərçivəsində Qazimağusada tarixi xəndək boyunca yürüş təşkil olunub. Liman Qapısından başlayan yürüş tarixi xəndək marşrutu ilə davam edərək Baykal Tunelində başa çatıb.
Tədbirdə DAÜ rektoru Prof. Dr. Hasan Kılıç, Qazimağusa bələdiyyə sədri Dr. Süleyman Uluçay, universitet rəhbərliyi, dərnək üzvləri, bələdiyyə və universitet əməkdaşları, eləcə də çoxsaylı sakinlər iştirak ediblər. İştirakçılar şəhərin tarixi qala divarlarını və ətrafdakı mədəni irs məkanlarını yaxından tanımaq imkanı əldə ediblər.
Yürüşün ardından Baykal Tunelində bu tarixi tikili haqqında hazırlanmış sənədli film nümayiş etdirilib. Tədbirin sonunda Qazimağusadakı tarixi və mədəni irsin qorunaraq gələcək nəsillərə çatdırılmasının əhəmiyyəti vurğulanıb. Həmçinin şəhərin tarixi məkanlarının daha yaxından tanıdılması məqsədilə oxşar tədbirlərin davam etdirilməsinin vacibliyi qeyd olunub.
İlk şərhi yaza bilərsiniz